പാകിസ്ഥാനിലെ 7 നഗരങ്ങളിലെ മലിനജല സാമ്പിളുകളിൽ പോളിയോ വൈറസ് സാന്നിധ്യം
പാക്കിസ്ഥാൻ: വിവിധ നഗരങ്ങളിൽ നിന്നുള്ള പാരിസ്ഥിതിക സാമ്പിളുകൾ പരിശോധിച്ചതിന് ശേഷം പാക്കിസ്ഥാനിലെ വിവിധ പ്രവിശ്യകളിലെ ഏഴ് നഗരങ്ങളിൽ പോളിയോ വൈറസ് കണ്ടെത്തിയതായി പാകിസ്ഥാനിലെ ഫെഡറൽ അധികൃതർ സ്ഥിരീകരിച്ചു. പെഷവാർ, ബന്നു, നൗഷേര, സ്വാത് എന്നിവിടങ്ങളിലെ മലിനജല സാമ്പിളുകൾ പരിശോധിച്ചതിന് ശേഷം നാല് ഖൈബർ പഖ്തൂൺഖ്വ നഗരങ്ങളിൽ പോളിയോ വൈറസിന്‍റെ സാന്നിധ്യം സ്ഥിരീകരിച്ചതായി റിപ്പോർട്ട് ചെയ്തു.
ഖൈബർ പഖ്തൂൺഖ്വയിലെ നോർത്ത് വസീരിസ്ഥാൻ ജില്ലയിൽ 13 പോളിയോ കേസുകളും ലാകി മർവത്തിൽ ഒരു കേസും ഫെഡറൽ ഉദ്യോഗസ്ഥർ രജിസ്റ്റർ ചെയ്തിട്ടുണ്ട്. ഇസ്ലാമാബാദ്, റാവൽപിണ്ടി എന്നിവിടങ്ങളിൽ നിന്നുള്ള മലിനജല സാമ്പിളുകളിലും പോളിയോ കണ്ടെത്തി.
മറ്റ് പല നഗരങ്ങളിലെയും പോളിയോയുടെ പാരിസ്ഥിതിക സാമ്പിളുകളുടെ ഫലം ഇതുവരെ പുറത്തുവിട്ടിട്ടില്ലെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. മെയ് മുതൽ സെപ്റ്റംബർ വരെയുള്ള മാസങ്ങളിൽ വൈറൽ സർക്കുലേഷൻ വർദ്ധിക്കുമെന്ന് പ്രതീക്ഷിക്കുന്നതിനാൽ പോളിയോ അണുബാധയുടെ കൂടുതൽ കേസുകൾ വർദ്ധിക്കുമെന്ന് സംശയിക്കുന്നു.